Sals- og logistikk koordinator

Me søkjer ein engasjert og motivert sals- og logistikk koordinator for å styrkje vårt team. 

Eide er eit familieeigd selskap og blant pionerane i havbruksnæringa. Me har ein visjon om å setje standarden for framtidas havbruk. Visjonen vår handlar om å vere eit førebilete, sik at me kan produsera mat i sjøen på ein berekraftig måte. 

I rolla som sals- og logistikk koordinator vil du vere ein del av eit dedikert team som jobbar tett saman for å støtte våre operasjonelle avdelingar samt sikre at me opprettheld vår høge standard i forhold til kvalitet og service. Du vil jobbe tett med Supply Chain Manager og øvrig nøkkelpersonell i verksemda. Du vil få høve til å bygge kompetanse innan logistikk, produksjon, salsprosessar, forbetrings- og effektiviseringsarbeid, kvalitet og IT-system så vel som økonomifaglege forhold. Som sal og logistikk koordinator vil du spele ei viktig rolle i det å sikre effektiv drift og koordinering av administrative oppgåver.  

Me har nyleg gjennomført oppkjøp av slakteriet i Brandasund. Satsinga er ei viktig langsiktig satsing for Eide, med eige slakteri har me kontroll over heilt prosessen og kvaliteten på vårt produkt. I rollen som sals- og logistikk koordinator vil me ønskje ei tilstedeværelse på Brandasund eit par dagar i veka, for å sikre godt samarbeid med salsteamet og teamet på slakteriet. Dette inneber direkte involvering i logistikkprosessen og oppfølging av produksjonslinjene, samt sikring av at alle operasjonar går smidig og i tråd med våre kvalitetsstandarder. Du vil ha disponibel kontorplass på Brandasund, i Bergen og ved vårt hovudkontor i Hålandsdalen.  

Arbeidsoppgåver: 

·       Oppfølging av slakteri og kontroll av slaktedata 

·       Kostnadskontroll 

·       Fakturering og dokumenthandsaming 

·       Logistikkplanlegging og salsassistanse 

·       Handtere og koordinere alle administrative oppgåver, ordrehandsaming og dokumenthandsaming 

·       Bidra til å oppretthalde gode relasjonar med våre kundar og leverandørar 

·       Delta i prosessar for kontinuerleg forbetring av våre interne rutinar og system 

·       Samarbeide tett med våre operasjonelle avdelingar for å sikre smidig drift og oppfølging av kundehenvendelsar 

Kven er du? 

Relevant utdanning innan logistikk, økonomi og/ eller administrasjon. Erfaring frå liknande stilling er ein fordel, men ikkje eit krav. For å lukkast i rolla er det viktig at du er motivert, har interesse og eit ynskje om å lære. Det vil være ein fordel med gode kommunikasjonsevner på norsk og engelsk, både skriftleg og muntleg. God kjennskap til MS Office-pakken og gjerne ERP system. Evne til å arbeide strukturert og nøyaktig, også under press. 

Kva kan Eide tilby?     

I Eide tør me å satse, på visjonar og på folk. Me bryr oss om kvarandre, fisken vår, og miljøet me driv og lever i. Hos oss vil du få varierte og interessante arbeidsoppgåver, samt moglegheit for personleg og fagleg utvikling. Eit godt, trygt og inkluderande arbeidsmiljø, der arbeidsglede er viktig. Me har konkurransedyktig løn, pensjon og forsikringsordningar. Moderne kontorplass ved hovudkontoret i Eikelansosen og i Bergen.

Søknadsinformasjon 

Me ønsker deg velkommen til å sende inn søknad, cv, og relevante dokument innen søknadsfristen: 09.06.2024

Om du har spørsmål knyttet til stillingen eller rekrutteringsprosessen, ta gjerne kontakt HR@efb.no eller Mari Lundal på 40628743.

Søk i dag dersom du vil ta del i å setja standarden for framtidas havbruk!