Sommarjobb 2024

Ein sommarjobb hos oss er ein fin måte å bli kjend med SFE på. Kanskje er dette også starten på ei framtidig karriere innan fornybar energi?

Viss du er i gang med ein bachelor- eller masterutdanning innan relevante fagområde (til dømes elkraft, fornybar energi eller andre ingeniørfag), kan ein sommarjobb ved hovudkontoret vårt på Sandane vere mogleg. Då kan jobben innebere prosjektarbeid, arbeid med teknisk dokumentasjon, eller liknande.

Vi ser og etter sommarvikarar til å utføre enkle vedlikehaldsoppgåver som plenslått, målearbeid og anna arbeid ved kraftanlegga våre (aktuelle stader kan vere Åskåra, Svelgen eller Gloppen). Denne jobben passar deg som likar litt praktisk arbeid. Kanskje er du også i gang med ein yrkesfagleg utdanning innan elektrofag. Det er ein fordel om du er over 18 år og har førarkort, men dette er ikkje eit krav.