Konserndirektør nett
Sygnir søkjer ein relasjonssterk og kommunikativ konserndirektør nett, til å vere med å vidareutvikle og effektivisere straumforsyninga i Sogn. Konserndirektør nett har rolla som dagleg leiar og rapporterer til styret i Sygnir i tillegg til konsernsjef. Dette er ein eineståande sjanse til å vera med å utvikle samfunnskritisk infrastruktur for fornybar energi og industriell vekst i Sogn.
Sentrale arbeidsoppgåver for vår konserndirektør nett vil vere:
• Byggje ut og sikre kostnadseffektiv drift av framtidsretta straumnett
• Drivkraft for å modernisere drift og styring
• Kommunikasjon og dialog med samarbeidspartnarar
• Ta del i å utvikla konsernet
Vi ser etter deg med ein motiverande leiarstil som inkluderer og ser potensiale i medarbeidarane. Du har forståing for kombinasjonen mellom strategi, økonomi og teknologi. Du har god struktur i arbeidet ditt, og er oppteken av tryggleik. Det er ein fordel om du har erfaring med elkraft og drift av nettselskap.
Kontorstad Vik og/eller Sogndal.
Ønskjer du meir informasjon? Ta kontakt med konsernsjef Terje Bakke Nævdal tlf. 911 81 056, eller visekonsernsjef Berit Larsen tlf. 950 48 091. All kontakt er konfidensiell.
Sygnir
Vil du vere med på laget til ei verksemd i stadig vekst? Ha ein arbeidsgjevar som trur på framtida og som torer å satse?
Då kan Sognekraft konsernet vera verksemda for deg. I Sognekraft-konsernet er me om lag 150 ihuga medarbeidarar.
Sygnir leverer ei stabil og sikker straumforsyning til nettkundane i vakker og utfordrande vestlandsnatur. Klimautfordringa har ført til eit stort behov for fornybar energi og forbruket aukar stadig. Sygnir byggjer ut regional- og distribusjonsnettet i Sogn, med stor vekt på effektiv drift. Me i Sygnir er 80 medarbeidarar i Sogndal, Vik, Balestrand, Lærdal og Aurland som har tru på ei framtid som etterspør rein energi.
Elektrifiseringa aukar behovet for fornybar energi og Sygnir byggjer ut framtidsretta straumnett i Sogn.
